MADRID, 25 de Febreru (EUROPA PRESS)
El voceru de Foru Asturies (FAC), Enrique Álvarez Sostres, felicitó al presidente Mariano Rajoy polos sos aciertos en materia económico, anque tamién-y recordó que queda muncho camín por facer y demandó-y un nuevu modelu de Gobiernu nel que se dirixa a los electores "cola verdá per delantre" y sin más promeses electorales que dempués incumple.
"Toca parar la máquina", señaló Sostres mientres la so intervención nel Alderique sobre l'Estáu de la Nación, onde consideró la opinión de Rajoy "demasiáu optimista", anque reconoció que la situación ye muncho meyor que va cuatro años.
Al so paecer, delles midíes empiecen a dar los sos frutos, pero "la rabasera económica y política" dexa a munchos fuera y nun basten les promeses d'última hora buscando'l votu del ciudadanu.
L'ESTÁU DE LA CORRUPCIÓN
Sostres tamién fizo referencia a la inestabilidá política, a los resultaos del CIS y a los casos de corrupción qu'hai nel país y, sobremanera, a la supuesta financiación illegal del Partíu Popular. "Ésti ye l'estáu de la Nación tal como yo lu veo", señaló, n'asegurando que nesa figura d'España Rajoy tien una "bona cuota de responsabilidá".
Asina, resaltó la necesidá de superar el presente de "penuries y afalagos" y pasar a un país "anováu y meyor", con proyectos y comportamientos de más exemplaridá público. Ello ye que criticó a Rajoy que namás dedicara dos minutos del so discursu a la corrupción y tres les demandes de la oposición.
De la mesma forma, recordó que nos últimos tiempos apaecieron "lideres visionarios" educaos nes consecuencies d'un "capitalismu radical" y con un oxetivu "fácilmente vendible: la venta de lo imposible".
Al so paecer, los "nuevos predicadores y comunicadores de marca marxista-leninista y de corte llatinoamericano" prometen algamar "la utopía" y contaron cola irresponsabilidá, desidia apatía y cultu escomanao al magüetu d'oru" d'un sector de la clase política que se baña nel estanque dorao de la mayoría absoluta y la cómoda posición del edificiu bipartidista".
PEDAGOXÍA FRENTE A EL PREDICADORES
Según Sostres, el vehículu qu'usen estos predicadores ye'l del la emoción sentimental y ye preciso facer pedagoxía política contra ellos y nun yá xestión tecnocrática. "Ésa ye l'alvertencia personal que-y faigo", espetó a Rajoy.
Tocantes a Asturies, Sostres aseguró que la comunidá allóñase d'España en crecimientu y empléu y preguntó al xefe del Executivu si nun cree qu'esto tien muncho que ver col estancamientu de les infraestructures y l'aisllamientu de la comunidá. Al so paecer, ye posible facer otres coses si se fixen otros oxetivos y mayoríes.
Según Sostres, el 'Plan Juncker' pue meyorar la situación de les infraestructures n'Asturies y nel restu d'España, anque nun entiende por qué Rajoy sacó la financiación del corredor Palencia-Xixón de los 60 proyectos enviaos yá a Bruxeles.
Amás, fizo un pidimientu especial a Rajoy, al demanda-y que pague lo que debe por sentencia xudicial de los fondos mineros. "Estudie los convenios unu a unu. Pague primero qu'acabe la llexislatura", sorrayó, en considerando "tremendamente provocadores" les declaraciones del ministru d'Industria, Enerxía y Turismu, José Manuel Soria, cuando dixo que dicha sentencia nun obliga al Estáu a pagar.
Rajoy, pela so parte, esplicó a Sostres que dedicó la mayor parte de los sos discursu a falar d'economía y empléu porque ye lo que más interesa a los españoles nesti momentu y porque la creación de nuevos puestos de trabayu sigue siendo'l gran oxetivu nacional. "Y va siguir siendo nel futuru", sorrayó.
"L'AVE N'ASTURIES NUN TA EN DUDA"
Rajóy destacó, pela so parte, que s'acabó l'autopista del Cantábricu, retomáronse delles obres que se suspendieren y invirtióse n'alta velocidá. "L'AVE n'Asturies nun ta en duda", señaló'l presidente, n'esplicando que tán superándose los "graves problemes" qu'había pa ponelu en marcha "de forma más rigorosa".
Asina, pidió a Sostres que tenga tamién en cuenta lo que sí fizo'l Gobiernu y aprovechó pa reclamar a tolos grupos que faigan un exerciciu de "sensatez política" porque caún denuncia la discriminación de la so comunidá y ye más conveniente tener alderiques d'otru tipu.
En cuanto al 'Plan Juncker', Rajoy recordó al voceru que los proyectos nun van zarrase hasta xunu y mostróse dispuestu a falar del corredor, anque-y recordó que nun ye tan fácil incluyir un proyectu porque ye "imprescindible dafechu" la inversión privada.
