UVIÉU, 20 de Xunetu (EUROPA PRESS)
El diputáu de Foru, Pedro Leal, esixó al Gobiernu del Principáu qu'esplique "el pelotazu' de la parcela 51 de Praos de la Vega, pagada a 120 euros el metro cuadráu a la inmobiliaria propietaria mientres qu'a los particulares "pagóse-yos menos de la metá".
Leal calificó esti xueves como de revés estra a sumar al caos de Soxepsa los 9,2 millones que la entidá va tener qu'abonar a los espropiaos de "Praos de la Vega". Pa Leal "a lo último ta dándose la razón a los espropiaos de la zona y fuérzase a Soxepsa a pagar el metro cuadráu a un preciu asemeyáu al que se pagó a la inmobiliaria, en concreto'l doble, lo que supón 9,24 millones del bolsu de los asturianos".
"Les consecuencies de beneficiar daquella a la inmobiliaria o de perxudicar intencionadamente a unos propietarios sobre otros recuéyense agora, al tomar los tribunales como referencia ante los recursos presentaos polos particulares los 120 euros pagos a aquella empresa, lo qu'implica güei 9,2 millones mas d'euros a pagar", caltién el diputáu de Foru.
"Lo grave -añade Pedro Leal- son les consecuencies pal erariu de tolos asturianos, que se sumen al dañu causáu a toos aquellos espropiaos infrapagados y que tuvieron qu'afrontar llargos procesos xudiciales".
Considera que "esti nuevu golpe económicu afonda na única realidá de Soxepsa, una solvencia al cortu plazu prácticamente nula y que, como vemos, empeora día a día".
