MADRID, 31 de Xunetu (EUROPA PRESS)
El Conseyu de Ministros dio'l preste al proyectu de llei de Presupuestos Xenerales del Estáu pal añu 2016, que destinen más de la metá del gastu, el 53,5%, al repartu del gastu social, según avanzó'l presidente del Gobiernu, Mariano Rajoy nuna rueda prensa.
"Siguen dedicando la so parte principal al gastu social", dixo'l xefe del Executivu, en recordando qu'España llogró resalvar los momentos "más difíciles" de la crisis calteniendo los pegollos del Estáu de Bienestar y permitiendo que más de 13 millones d'españoles recibieren dalgún tipu de renta o prestación.
Asina, de cada 100 euros del Presupuestu del añu qu'entra, 39 euros van dedicase a les pensiones, 7 euros al desempléu y les polítiques actives y 8 euros a otros gastos sociales. A esto, según Rajoy, hai que sumar los 14 euros adicionales que van recibir les comunidaes, que son les que financien los servicios sociales. Amás, 10 euros de cada 100 dirán pagar los intereses de la deuda.
Rajoy aseguró qu'estos Presupuestos zarren una etapa "dificilísima" y abren un nuevu periodu de "crecimientu calteníu" y de "creación intenso" d'empléu. Al so paecer, el Gobiernu pue presentar unes cuentes asina porque'l país ta entrando "nun círculu virtuosu" de más competitividá, más crecimientu, más empléu, más ingresos y menos impuestos.
Los Presupuestos, según Rajoy, pretenden fortalecer esa senda de crecimientu, que "si nun se tuerce nin se frena" pue llevar al periodu de crecimientu y bienestar más llargu de "la historia reciente" d'España.
