BARCELONA, 25 de Xunetu (EUROPA PRESS)
El vicepresidente del Gobiernu catalán, Oriol Junqueras, anunció esti martes que va presentar un recursu ante'l Tribunal Supremu y ante'l Tribunal Constitucional contra "l'amenaza" del Gobiernu central de cortar el Fondu de Liquidez Autonómica (FLA) a la Generalitat, y aseguró qu'esto ye un pasu previu a llevar esti mesmu asuntu ante instancies internacionales.
Díxolo na rueda de prensa posterior al Consell Executiu, dempués de que la selmana pasada'l Gobiernu central alvirtiera a la Generalitat de que d'equí p'alantre condicionaría'l pagu de los recursos d'esti fondu a que'l Govern nun realice nengún gastu pal referendu anunciáu pal 1 d'ochobre.
Junqueras acusó al Gobiernu central de querer perxudicar a los proveedores de la Generalitat y a los ciudadanos y asegura qu'en nengún casu estes alvertencies van frenar la celebración d'un referendu d'independencia: "Rescampla que nun vamos facer un referendu utilizando los recursos del FLA".