UVIÉU, 22 Feb. (EUROPA PRESS) -
El Gobiernu del Principáu d'Asturies, de signu socialista, yá empezó la ronda de contactos con otros grupos parllamentarios pa intentar llograr los apoyos necesarios pa sacar alantre esti exerciciu una llei de creitu estraordinariu que s'alza a 111 millones.
Asina lo indicó esti xueves na sesión plenaria de la Xunta Xeneral del Principáu d'Asturies (XXPA) la conseyera de Facienda y Sector Públicu, Dolores Carcedo, al ser preguntada pol diputáu del PP, Agustín Cuervas-Mons. Carcedo nun ufiertó, sicasí, plazu dalgún un
relación a la presentación de la norma nel parllamentu asturianu.
L'oxetivu d'esa llei de creitu, indicó Carcedo, ye "minimizar" los efectos de la situación actual de prórroga presupuestaria. El dineru va ser destináu a gastu social, inversiones y amortización de la delda".
Na so intervención, Dolores Carcedo afirmó que'l Gobiernu trabaya "de manera coordinada" col partíu, dexando de llau la idea propuesta por Cuervas-Mons de la existencia de desavenencies. "Nun busque ruíos porque nun los va atopar", díxo-y al diputáu 'popular'.
