UVIÉU, 20 Feb. (EUROPA PRESS) -
El Plenu del Conceyu de Grau aprobó esti martes 20 de febreru una moción a favor de la oficialidá del asturianu colos votos a favor del IX, que yera'l grupu proponente, y PSOE. Los tres conceyales non adscritos, ex miembros del PP, astuviéronse.
En total foron 12 votos a favor --9 d'IX y 3 de PSOE- y 3 astenciones --3 de los non adscritos--, mentes que la conceyala de Foru Asturies nun participó nel plenu. La moción aprobada considera que ye'l momentu d'avanzar na oficialidá del asturianu como "elementu fundamental pa la so dignificación normativa y la so normalización social".
Asina, encamienta al Gobiernu autonómicu y a les distintes fuercies polítiques con representación parllamentaria a principiar un diálogu y llograr un consensu cola fin de llograr esti oxetivu, "qu'acabaría cola reforma del Estatutu y la oficialidá de la llingua asturiana".
Asina, Grau súmase a Mieres, Xixón, Avilés, Castrillón, L.lena, Noreña, Uviéu y Llaviana. Nos díes próximes, el plenu de Siero va acoyer una votación asemeyada.
