UVIÉU, 17 Ago. (EUROPA PRESS) -
A lo llargo d'esta mañana la Guardia Civil ta tomando declaraciones a familiares y allegaos del conceyal d'IX nel Conceyu de Llanes Javier Ardines, según confirmaron dende la Guardia Civil de Xixón a Europa Press.
La mesma Benemérita confirmó esti xueves que la muerte del conceyal foi "violenta" y que nun foi por causes naturales, polo qu'esti mesmu vienres tán tomando declaraciones a la redolada de Javier Ardines y a posibles testigos del sucesu.
A lo llargo d'esti vienres van conocese los resultaos de l'autopsia que van determinar si la muerte de Ardines foi un homicidiu.
Javier Ardines, conceyal d'IX, morrió esti xueves pela mañana enantes de dirixise al so trabayu. La so fía alcontró'l so cadabre xunto al so vehículu, na contorna de la so casa.
