XERUSALÉN, 21 de Xunetu (EUROPA PRESS)
Les Brigaes Ezzedin al Qassam, brazu armáu del Movimientu de Resistencia Islámica (Hamás), aseguraron que los sos milicianos mataron a diez militares israelinos esti llunes en combates na Franxa de Gaza, según recueye l'axencia de noticies palestina Maan.
L'Exércitu israelín, pela so parte, confirmó la muerte de siete de los sos militares en combates esti llunes na Franxa de Gaza. Esti balance subiría a 25 el númberu de soldaos finaos dende qu'entamó la ofensiva terrestre nel enclave costeru.
Más de 500 palestinos perdieron la vida pola operación 'Marxe Protector', llanzada por Israel el pasáu 8 de xunetu. L'axencia de la ONU pa los refuxaos palestinos (Unrwa) denunció esti llunes que más de cien neños morrieron polos ataques israelinos.
La Franxa de Gaza vivió'l domingu'l día con más muertes dende l'entamu de la ofensiva, alredor de 150. La violencia fízose especialmente patente nel barriu de Shajaia na capital gazacina, onde morrieron más de 70 persones.
