UVIÉU, 18 Abr. (EUROPA PRESS) -
El colectivu Hermandá de Defensores d'Uviéu emitió esti miércoles una nota de prensa na qu'afirma que llevó a la Fiscalía del Tribunal Superior de Xusticia del Principáu d'Asturies l'actuación del Conceyu d'Uviéu, por entamar cola retirada de rótulos de delles cais supuestamente afectaes pola Llei de memoria histórica.
Dende Hermandad señalen que nel escritu que presentaron rellaten lo asocedío'l llunes 9 d'abril pasáu cuando dellos operarios principiaron colos cambios de plaques, y a lotru día celebróse un actu públicu con asistencia del alcalde, el socialista Wenceslao López.
Según esti colectivu, el 4 de xunetu próximu va haber un xuiciu sobre esti asuntu nun xulgáu d'Uviéu. Dicen qu'otros conceyos decidieron suspender los cambios de nomes a la espera d'una resolución xudicial firme.
Y ye que consideren que se gastaron fondos públicos nel cambiu realizáu n'Uviéu p'actuaciones "de carís sectariu y partidista", dende la Hermandá consideren que lo asocedío "pudiera tener relevancia penal, nel so casu, nos delitos de daños contra'l patrimoniu públicu, de malversación y de prevaricación, siendo presuntos autores de los mesmos l'Alcalde d'Uviéu y los miembros del equipu de gobiernu municipal". Asina, soliciten a Fiscalía qu'abra dilixencies d'investigación.
