UVIÉU, 22 d'Avientu (EUROPA PRESS)
El diputáu d'UPyD na Xunta Xeneral, Ignacio Prendes, anunció esti llunes la so dimisión como vocal nel Conseyu de Dirección estatal del so partíu, órganu al que pertenecía dende'l 2008.
Al traviés de la so cuenta de Facebook, Prendes esplicó que "dende va un tiempu" vien "discrepando con decisiones estratéxiques que tomó'l Conseyu de Dirección" del "so partíu". "Cuando esta situación dase creo que la salida más honesta, con unu mesmu y col mesmu órganu colectivu al que se pertenez, ye dar un pasu atrás", afirmó.
Por esti motivu, anunció la so dimisión como vocal del Conseyu de Dirección d'UPyD. "Creo que'l mio llabor tien que centrase en siguir defendiendo'l proyectu d'UPyD nel Parlamentu d'Asturies, más necesariu agora que nunca, y como candidatu a les elecciones autonómiques de Mayu llograr los meyores resultaos pal partíu", añadió.
