UVIÉU, 30 de Payares (EUROPA PRESS)
El periodista Inaciu Galán ofrez esti xueves el so análisis sobre la situación de la llingua asturiana mientres la dictadura franquista, dende los aspectos rellacionaos cola represión, hasta'l debate ente partidarios y detractores. L'actu tendra llugar de magar les 20.00 hores nel Club de La Nueva España de Xixón.
La conferencia va lleva por títulu 'La situación del asturianu nel Franquismu. Una llingua minorizada nel marcu d'un réxime totalitariu y centralista', y ta previsto que n'ella, Galán ufra datos y análisis alredor de la situación que vivió l'asturianu na so convivencia col castellán nes distintes etapes del Franquismu. Dende les prohibiciones que vivieron toles llingües distintes del castellán, y cómo esto influyó a la llingua asturiana, hasta les discusiones internes ente partidarios y detractores del idioma dientro del propiu réxime franquista.
Inaciu Galán ye profesor, escritor, graduáu en Periodismu y máster en Sociedá de la Información y el Conocimientu. Aguaño prepara la so tesis doctoral sobre la llingua asturiana nel Franquismu na Universidá d'Uviéu.
