UVIÉU, 29 d'Ochobre (EUROPA PRESS)
El grupu parlamentariu d'Izquierda Unida na Xunta Xeneral d'Asturies mostró esti miércoles la so conformidá cola propuesta d'UPyD de desarrollar una Comisión d'Investigación sobre la fortuna tapecida del exlíder del SOMA, José Ángel Fernández Villa, que puea abarcar tol procesu de xestión de los fondos mineros. Eso sí, condiciona'l so apoyu a que'l PSOE tamién lo faiga, al envís de llograr un consensu.
Asina lo esplicaron en declaraciones a Europa Press fontes del Grupu parlamentariu. Los diputaos d'IU consideraron "bastante completa" la propuesta plantegada pol diputáu d'UPyD, Ignacio Prendes, y entienden que "recueye l'espíritu" de lo que tien de ser esa comisión.
A xuiciu del Grupu d'IU, la investigación ha contemplar los fondos mineros como posible orixe de la fortuna de 1,4 millones pola que la Fiscalía Anticorrupción investiga al antiguu secretariu xeneral del sindicatu mineru.
