UVIÉU, 23 de Mayu (EUROPA PRESS)
El diseñador valencianu, establecíu en Barcelona, Javier Mariscal va realizar el cartel del 81 Descensu Internacional del Seya. El creador de Cobi va ser l'encargáu de la imaxe del descensu nel añu de celebración del 25 aniversariu de los Xuegos Olímpicos de Barcelona 92.
Según informó nuna nota'l Comité Organizador del Descensu Internacional del Sella (Codis), la presentación del cartel d'esti añu va tener llugar en Madrid el próximu mes de xunu na sede del Comité Olímpicu Español.
Va formar parte de los actos programaos pa celebrar les bodes de plata de la única Olimpiada realizada n'España. El comité organizador destacó la relación del Descensu del Sella col olimpismu español.
Dende'l Codis reseñaron como en "prácticamente toes" les olimpiaes hai vencedores del Seya representando a España; dende Roma 1960 col ribeseyanu Juan Miguel Feliz hasta Rio 2016, cuando lo fizo'l parragués Javier Hernanz.
Amás, nesta edición los Embaxadores del Seya, Perurena y Cuesta, celebren el 50 aniversariu de la so victoria en 1967, y fueron olímpicos en Méxicu 68. Nesa mesma llinia, el medallista olímpicu Saul Craviotto va ser el pregoneru d'esta 81 edición del Sella.
