MADRID, 27 de Xunetu (EUROPA PRESS)
El maxistráu del Tribunal Superior de Xusticia d'Andalucía (TSXA), Miguel Pascuau, afirmó esti xueves que Juana Rivas --que ta en paraderu desconocíu n'incumpliendo'l mandatu xudicial d'entregar a los sos fíos al so padre n'Italia-- pue tar incurriendo nun delitu de sustracción de menores. Según dixo, correspuende a un xuez decidir sobre la entrega al proxenitor, condenáu nel 2009 por maltratala.
Nuna entrevista en Cadena SER recoyida por Europa Press, el maxistráu recordó que la madre puede "evitar la responsabilidá si nel plazu de 24 hores comunica onde tán los fíos y comprométese a restituyilos de manera inmediata". "La situación ye delicada", insistió Pascuau, esplicando qu'esti delitu ta contempláu nel Códigu Penal.
El maxistráu apuntó qu'un xuez ye quien tien que tomar la decisión d'aceptar o non si una madre pue "retener a los sos fíos contra la voluntá del padre nun país y nun llugar distintu al que yera la so residencia avezada".
Asina, reclamó qu'un procesu onde, n'escuchando a los dos partes, un xuez tome una decisión: "El xuez pue equivocase, pero tamién los demás podemos equivocanos al sentenciar", declaró,
De la mesma, afirmó que pue torgar la restitución a la casa n'Italia "cuando ponga al menor nuna situación intolerable": "Seguro que la madre fizo lo imposible por convencer al xuez de qu'esa yera "la situación", alvirtió, insistiendo en que, nesti casu, el padre y la madre "nun tán d'acuerdu" sobre onde tienen que tar los fíos.
Pel branu del 2016, Juana Rivas vino colos sos fíos a España, onde interpunxo una nueva denuncia contra'l padre de los menores por malos tratos. Agora ta obligada pol xulgáu a apurrir los sos dos fíos al padre, pero incumplió esa orde d'entrega y nesti momentu ta en paraderu desconocíu. Pela so parte, l'abogáu del padre avanzó que va entamar acciones llegales por considerar que se trata "d'un secuestru" de los neños.
