UVIÉU, 19 Ene. (EUROPA PRESS) -
L'Academia de la Llingua Asturiana va mantener abiertu hasta'l próximu 25 de xineru la matricula pa poder realizar la prueba semestral de nivel básicu de llingua asturiana. La prueba va facese el 27 de xineru a les 09.30 hores nel Llar de l'Academia de la Llingua Asturiana (Cai L'Águila 10) n'Uviéu.
A les persones declaraes aptes nes pruebes citaes, l'Academia dará-yos un documentu onde s'afite la conocencia nel nivel 1 o básicu. Per otru llau, les persones que nun superen les pruebes del nivel 1 podrán presentase a nueves convocatories toles vegaes que-yos pruya.
La prueba va tener dos partes, una escrita, con dictáu, exercicios gramaticales, comprensión de testu y redaición; y otra falada, con conversación dirixida sobre temes d'actualidá. Pal resultáu bono d'estes pruebes habrá tenese un dominiu básicu de la gramática y normativa ortográfica del idioma, tanto de manera oral como escrita, amás de la realidá sociollingüística asturiana.
.
