Aviso: Esta noticia tiene más de un año. Última actualización: 23/01/2009 13:48
L'asociación cultural lleonesa El Fueyu acusó güei al grupu del PP nel Conceyu de Lleón, y concretamente a la so conceyala, Arancha Miguélez, de manipular una semeya d'un cartel de cursos de llingua lleonesa ('llïonés'), pol "odiu y despreciu" de persones integrantes d'esti grupu hacia l'idioma. Denunciaron públicamente que na semaya, colgada na páxina web de los populares "táchase'l llogotiu de la Universidá de Lleón pa poner un llogotipu del PP".
Al traviés d'una nota prensa, El Fueyu tachó d'inconcebible "l'odiu y despreciu que siente la conceyala Miguélez hacia una parte vital del patrimoniu cultural lleonés, y que llegue hasta la manipulación fotográfica con tal de tapecer la verdá". Refugó tamién les "dures crítiques y ataques que realiza la edil a la enseñanza de la llingua lleonesa tanto a nivel d'adultos como en centros escolares infantiles, onde la falsedá de les afirmaciones y contrasta colos fechos reales".
Concretamente, el colectivu señaló que na enseñanza d'adultos, área cola que diz caltener un conveniu col Ayuntamientu dende hai tres llexislatures, "supérase amplísimamente'l númberu de matriculaos reales a los datos ofrecíos pola edil popular".
Recordaron tamién a la conceyala que "dende que nació l'asociación El Fueyu firmamos un gran númberu de convenios de collaboración con dellos ayuntamientos y diputaciones, toos ellos gobernaos na so mayoría pol PP". Amás, recordó que "el primer alcalde que firmó un diploma en lleonés foi Mario Amilivia, que Javier García Prieto foi la primer presidenta de Diputación que fizo'l primer conveniu pa llevar la enseñanza del la nuesa llingua per tola xeografía, y que na anterior llexislatura gobernaba'l so partíu y siguíen los cursos y la so promoción, o qu'hasta la propia alcaldesa de Mansilla de las Mulas, María Paz Díez, tuvo matriculada nos cursos de l'asociación y realizó una deles intervenciones del Día de la Llingua Llïonesa".
A lo último, "mos entrugamos por qué de les 23 notes y ruedes de prensa que realizó hasta la fecha la señora Miguélez (datos de la so propia web), la cuarta parte d'ellos tengan que ver cola enseñanza de la llingua lleonesa col únicu oxetivu de descalificar un fechu que dende la Constitución Española hasta l'Estatutu d'Autonomía de Castiella y Lleón pasando pola propia Unesco, reconoz como necesariu y imprescindible pa caltener la nuesa riqueza cultural", acabó'l comunicáu.