SEVILLA, 17 de Febreru (EUROPA PRESS)
L'Audiencia Provincial de Sevilla confirmó l'autu nel que'l xuez Álvaro Martín procesó a los expresidentes de la Xunta d'Andalucía Manuel Chaves y José Antonio Griñán y a otros 24 exaltos cargos dientro de la pieza separada del procedimientu específicu pol que se concedieron les ayudes investigaes nel casu de los espedientes de regulación d'empléu (ERE) fraudulentos, según informaron a Europa Press fontes del casu.
Asina lo dictaminó la Estaya Séptima de l'Audiencia Provincial de Sevilla nun autu nel que refugó los recursos presentaos polos expresidentes de la Xunta.
La Fiscalía Anticorrupción solicitó una condena de seis años de cárcel y otros 30 años d'inhabilitación pa José Antonio Griñán, al que procesaron por delitos continuaos de malversación de caudales públicos y prevaricación, mientres qu'a Manuel Chaves recláma-y una condena de diez años d'inhabilitación por un delitu de prevaricación.
