UVIÉU, 25 de Payares (EUROPA PRESS)
La demanda de families pidiendo ayuda al Bancu d'Alimentos creció un 30 por cientu añal dende l'entamu de la crisis económica. Esto ye, antes de la recesión, el númberu de númberu de persones qu'atendía esta institución taba ente 8.000 y 10.000 individuos y nesti momentu los sos recursos lleguen a los 26.000 ciudadanos. Sicasí, dende'l branu los pidimientos nun crecieron al ritmu de los últimos años, según matizó'l presidente d'esta organización, Juan Luis Núñez.
Núñez esplicó estos datos mientres la presentación de la Guía d'Encamientos sobre 'Cómo amenorgar les perdes y esperdicios d'alimentos'. Na cita, el xerente de Coxersa, Santiago Fernández, señaló que na comunidá tírense "400.000 tonelaes de basoria", de los que "ente 130.000 y 140.000 son alimentos".
Pa realizar esti proyectu, l'Alianza Nacional contra la Fame y la Malnutrición d'España axuntó ente'l 19 y el 22 d'abril a 47 profesionales representantes del mundu de la política, empresarial, social, y académica. En delles meses redondes los representantes d'estos cuatro sectores trataron esti tema y llegaron a la conclusión de que se deben meyorar "les actitúes de los ciudadanos" pa que dexen de realizar compres d'usar y tirar.
Pa ello dende esti foru propónse "formar a los consumidores pa una mayor responsabilidá social y meyorar l'equipamientu onde almacenen los alimentos perecederos", según señaló nesti actu'l director de la Fundación Alimerka, Antonio Blanco. Tamién se llegó a la conclusión de que se debe apostar pola investigación y el desarrollu p'amenorgar les perdes y débense crear nuevos sistemes d'envasáu que permitan un consumu más individual de los alimentos".
D'últimes nel planu académicu, esti foru propunxo la creación de "un observatoriu onde s'analice cuáles son les perdes d'alimentos per persona y per añu". D'esta maneera, va intentase identificar hasta ónde llega'l problema del esperdiciu d'alimentos.
