UVIÉU, 15 Ene. (EUROPA PRESS) -
Les fuercies de seguridá del estáu, Policía Nacional y Guardia Civil, y el delegáu del Gobiernu n'Asturies, Gabino de Lorenzo axuntáronse esti llunes pa coordinase de cara al partíu ente'l Real Uviéu y el Real Sporting de Xixón. Asina, alcordóse que les midíes de seguridá van ser les mesmes que nel partíu d'ida.
Na mentada xunta tratáronse pormenores relativos al partíu de vuelta ente'l Real Uviéu y el Real Sporting de Xixón que se va xugar el 4 de febreru próximu nel estadiu Carlos Tartiere d'Uviéu, determinándose que les midíes de seguridá a adoptar con ocasión del mentáu alcuentru van ser les mesmes que s'adoptaron nel partíu d'ida, según informó la policía d'Uviéu.
En feches próximes los representantes de tolos sectores implicaos van ser convocaos a la Xunta de Seguridá que se va celebrar na Delegación de Gobiernu n'Asturies.
