WASHINGTON, 30 d'Abril (EUROPA PRESS)
Polo menos 60 persones resultaron deteníes esti miércoles na ciudá Nueva York, dempués de que cerca de mil manifestantes se reunieren en Union Square pa protestar pol casu de Freddie Gray, un mozu afroamericanu que morrió n'estrañes circunstancies mientres taba baxo custodia policial. El so funeral, celebráu'l pasáu llunes, dio llugar a fuertes disturbios na ciudá de Baltimore (Maryland).
Asina lo confirmaron fontes policiales a la canal estaounidense CNN, qu'indicó que los manifestantes cortaron delles víes a lo llargo del so percorríu peles cais de Manhattan, lo qu'obligó a les fuerces del orde a detener a decenes d'ellos. Polo menos dos axentes de la Policía resultaron firíos nes agarradielles colos manifestantes, cuando trabayen de dirixilos hacia les ceres.
Los organizadores de la marcha defendieron que'l so oxetivu ye mostrar la so solidaridá cola xente de Baltimore. "La nuesa intención ye la de concenciar sobre los problemes que tán asocediendo en términos de brutalidá policial", esplicó unu de los manifestantes, qu'insiste en que lo qu'asocedió nel estáu de Maryland asocede a diario n'otros barrios del país, como Brooklyn o Harlem.
