UVIÉU, 27 de Mayu (EUROPA PRESS)
La presidenta del PP d'Asturies y cabeza de llista de la candidatura, Mercedes Fernández, pidió a Ciudadanos y a Foru Asturies el so apoyu pa la elección como presidenta del Principáu, a la que va acudir como segunda fuerza político. Fernández manifestó que yá caltuvo conversaciones pa llograr esos apoyos.
Asina lo indicó en rueda prensa na que nun quiso esclarar con quién caltuvo eses conversaciones, nin tampoco'l resultáu de les mesmes magar que-y preguntaron hasta en trés veces por esa cuestión.
Merced Fernández indicó que "nun van pidir l'apoyu d'IU y que nun tienen nada que falar con Podemos" y consideró que nun ye contradictorio acudir a la investidura con defender que gobierne la llista más votada.
"Tolos miles d'asturianos que nos votaron y confiaron en nós merécense esti xestu, merécense que seyamos valientes", dixo Fernández, qu'insistió en que "creen que democráticamente ye lo más afayaízo". "L'electoráu de centru derecha merez un discursu alternativu al de la izquierda y al de la izquierda radical", dixo.
La presidenta del PP ofreció una rueda de prensa tres la primer xunta de trabayu col grupu parlamentariu del PP. Preguntada polos votos que perdió Foru Asturies y que nun captó'l PP, Mercedes Fernández indicó que ye necesario un estudiu tranquilu de lo asocedío, pero indicó qu'al so xuiciu bona parte de los votantes del centru derecha n'Asturies astuviéronse'l pasáu domingu.
Fernández tampoco quiso comentar les declaraciones d'otros dirixentes del PP críticos con Mariano Rajoy. Asina indicó que si se-y pregunta a ella si la xestión del ministru José Manuel Soria ayudólos la respuesta ye que non. Más allá de la xestión de Soria refirióse tamién a la necesidá de que'l PP "rectifique na so forma de facer política".
Asina consideró que "personalmente" considera qu'hai qu'abandonar los despachos, facer discursos más cercanos y respetuosos y llograr mayor empatía cola ciudadanía con cercanía, más entevistes y más ruedes de prensa. Destacó qu'hai que trabayar pero tamién esplicar esi trabayu.
"Los ciudadanos reprocháronnos tar bien preocupaos de la macroeconomía y non tanto de les coses cotidianes", dixo Mercedes Fernández, que defendió la necesidá de "poner alma a les coses, escuchar y querer".
PROPUESTA D'ESPERANZA AGUIRRE
Preguntada pola propuesta qu'esti martes llanzó la presidenta del PP de Madrid, Esperanza Aguirre, que mostró la so disposición a da-y l'alcaldía al candidatu socialista Antonio Miguel Carmona, pa torgar que Manuela Carmena seya la próxima alcaldesa de la capital d'España, Mercedes Fernández indicó namás qu'esta propuesta ye "mui Esperanza Aguirre".
Asina, sobre los posibles pactos nel Conceyu d'Uviéu y nel de Xixón, Fernández indicó que na capital del Principáu "Agustín Iglesias Caunedo foi'l más votáu y va ser el que tenga que liderar l'alcaldía".
Tocantes a Xixón destacó que "ellí ve coses rares, como que l'alcaldesa electa de Foru, Carmen Moriyón, dirixóse a Podemos", pero añadió que "ye bien llibre pa facelo".
