UVIÉU, 4 d'Ochobre (EUROPA PRESS)
Los periodistes Próspero Morán y Rubén Martín-Llames puxeron esti miércoles la web del Conceyu de Xixón y la Wikipedia como exemplu de que nun se tán aprovechando les nueves ferramientes de traducción al asturianu de Eslema y Apertium p'aumentar la producción de conteníos nesta llingua.
Asina lo planteagaron mientres la so comunicación nes Xornaes d'Estudiu de l'Academia de la Llingua Asturiana, que se celebren estos díes na Facultá de Filosofía y Lletres de la Universidá d'Uviéu.
Nel casu del Conceyu de Xixón, según esplicó Morán, la producción de conteníos n'asturianu yera mui superior antes de la existencia d'Internet que dempués. Como exemplu, punxto la páxina web consistorial, onde "na versión n'asturianu namás apaecen les del requexu de lliteratura y cultura, y amás desactualizaes, porque les últimes agora mesmo son de xunetu".
Amás, tamién recordó que'l twitter oficial del Conceny publica más conteníos en catallán que n'asturianu. Ye la so conclusión, tres facer una busque que demostró que'l 93% de les palabres publicaes son en castellanu, el 5% n'inglés, un 0,3% en catalán "supones que de títulos d'alguna obra, y n'asturianu nun topamos nada".
Recordó amás los casos de los partíos Izquierda Unida y Podemos, que tienen les sos páxines web autonómiques oficiales con versión n'asturianu, pero non nel casu de les sos asamblees llocales de Xixón.
Nel casu de la wikipedia, apunta que nel añu 2007, antes de la existencia de los traductores Eslema y Apertium, había una cifra asemeyada d'artículos n'asturianu y n'eusquera, sobre los 17.000. Agora, la cifra de la llingua vasca ye de 216.000, mientres que la d'aasturianu ye de 37.000. Amás, señaló'l casu del crecimientu del aragonés, qu'en pocos años pasó de tener malpenes 3.000 artículos a tar nos 30.000 agora.
Pa Morán "nun s'aprovechen les nueves ferramientes, agora que tener versiones billingües de temes xurídicos o alminstrativos nun cuesta munchu trabayu".
