UVIÉU, 31 de Marzu (EUROPA PRESS)
El cantante xixonés Nacho Vegas será ún de los artistes participantes esti añu nel Conciertu Pola Oficialidá, qu'entama la Xunta Pola Defensa de la Llingua Asturiana y qu'esti añu llega a la so vixésimo octava edición.
L'eventu va tener llugar el sábadu, 23 d'abril. La cita vuelve a Uviéu, dempués de la so última celebración na capital asturiana nel 2009, anque nesta ocasión, la primer vez, tendrá llugar na Plaza de La Catedral.
Amás de Nacho Vengas, actuarán los grupos Pop Piquiñín, Tuenda, Vrienden, Skontra y Dixebra, y el Coru Al Altu la Lleva.
La hora pa empezar la música va ser sobre les 18.30 y les entraes van vendese a 8 euros anticipaes y a 10, na puerta. Les anticipaes van tar a la venta en varios puntos de la xeografía asturiana. "La reivindicación y la folixa únense una vez más nel Conciertu pola Oficialidá, que promete hores de bona música al mesmu tiempu que s'esixen los derechos que tien que tener la llingua asturiana n'Asturies", señalen los organizadores.
