MADRID/UVIÉU, 27 de Marzu (EUROPA PRESS)
Namás Navarra, Galicia, Canaries y el País Vascu cumplieron coles mires de déficit impuestu l'añu pasáu del 1 por cientu del PIB, mientres que toles demás punxéronse penriba y trés d'elles, bien lloñe: Murcia (2,82%), Cataluña (2,58), Estremadura (2,44%) y la Comunidá Valenciana (2,39%).
El ministru de Facienda y Alministraciones Públiques, Cristóbal Montoro, presentó les cifres na rueda prensa posterior al Conseyu de Ministros. El conxuntu de les autonomíes incumplió l'oxetivu y zarró l'añu con un déficit del 1,66.
El ministru destacó "la dispersión" de los datos de les CCAA. Per un llau, alcuéntrense les comunidaes que cumplieron l'oxetivu: Navarra (0,68%), Canaries (0,91%), País Vascu (1%) y Galicia (1,02%)
Per otru, les que se colocaron cerca del cumplimientu: Castiella y Lleón (1,11%), Andalucía (1,16%), La Rioxa (1,21%), Asturies (1,3%), Madrid (1,34%), Cantabria (1,46%), Aragón (1,66%), Baleares (1,71%) y Castiella-La Mancha (1,76%).
El tercer grupu formáronlu les rexones bien alloñaes del 1 por cientu del oxetivu: los trés que vienen incumpliendo'l déficit añu tres d'añu, Murcia (2,82%), Cataluña (2,58%) y la Comunidá Valenciana (2,39%), a les que se sumó nel 2014 Estremadura (2,44%).
