UVIÉU, 08 de Marzu (EUROPA PRESS)
Nueve alcaldes de conceyos del occidente asturianu mostraron el so apoyu a un comunicáu de l'asociación Xeira, que trabaya pola defensa de la fala d'aquella zona, p'algamar que la televisión autonómica incluya programación en gallego-asturianu.
Asina lo informó'l colectivu al traviés d'una nota prensa, a la que tuvo accesu Europa Press. Nel comunicáu, en gallego-asturianu, Xeira esplica que "falóu a lo llargo del ano pasao cos alcaldes d'esos conceyos pra feryes chegar a nosa preocupación sobre esta carencia". Asina, consensuó un comunicáu "unde se recoye ese sentir pra que lo apoyaran os alcaldes que lo visen ben. Despóis d'esos contactos, manifestáronnos el sou apoyo el alcaldesa d'El Franco y os alcaldes de Navia, A Veiga, Taramunde, Samartín, Santalla, Pezós, Eilao y Grandas".
El testu esplica que "as noticias recurrentes sobre el interés da Televisión de Galicia por chegar cuas súas emisióis en gallego al estremo occidental asturiano fain destacar a falta d'úa programación propia, da mao da TPA -a televisión de todos os asturianos-, que recoya a realidá llingüística del estremo occidental d'Asturias".
Recuerda tamién que "nel preámbulo da llei de Medios de Comunicación Social, que creaba el Ente Público de Comunicación del Principao d'Asturias, destacábase qu'úa radio y televisión propias axudarían a potenciar as peculiaridades y el afianzamento da identidá asturiana, a través da difusión, conocemento y desarrollo dos valores históricos y culturales en toda a súa variedá y riqueza". Asina, concreta que nel artículu 3, apartáu f), "poñía entre os sous fines a *promoción da cultura y a educación, con especial protección del bable, mediante a promoción del sou uso y difusión nos medios de comunicación social".
Xeira demanda que la TPA debía defender "como elemento cohesionador da nosa identidá como asturianos y, pra nosoutros, el gallego-asturiano, a nosa fala, forma parte mui importante da nosa personalidá como asturianos y asturianas del occidente".
