UVIÉU, 28 Nov. (EUROPA PRESS) -
Pablo Rodríguez Medina (L'Entregu, 1978) ye'l ganador del Concursu de Cuentos pola Oficialidá del Asturianu, que convoca'l Conceyu Bimenes y qu'esti añu llegó a la so edición númberu venti. El primer premiu, dotáu con 600 euros, foi pa la so obra 'Los restos d'un naufraxu'.
El segundu premiu, dotáu con 450 euros, foi pal cuentu 'Polly a les puertes del paraísu', de Lluis Aique Iglesias Fernández (Sotrondio, 1967), y Llucía Fernández Marqués (Xixón, 1974) algamó'l tercer premiu, dotáu con 300 euros, con 'Ca tolos vientos'.
Nesta edición el xuráu tuvo compuestu polos escritores Xulio Vixil Castañón, Ana Esther Martínez Sierra y Francisco Álvarez González, amás de pol Alcalde Bimenes, Aitor García Corte, y el técnicu responsable de la Estaya de Cultura, Daniel Cueli Canto, que ficieren les funciones de Presidente y Secretariu, respectivamente.
La entrega premios va celebrase'l sábadu 2 d'avientu, a les 12.30 hores, nel Muséu Casa de les Radios, en Suares (Bimenes) y depués del actu protocolariu, y la llectura del cuentu ganador na voz del so autor, va actuar el monologuista y ganador de recién del Premiu Nel Amaro de Teatru, Carlos Alba, que va llevar a les tables al so personaxe Cellero pa representar 'La llei del cuchu'
