UVIÉU, 18 Jul. (EUROPA PRESS) -
Patricia García Villanueva xuró esti miércoles el so cargu como diputada rexonal por Foru Asturies na Xunta Xeneral del Principáu d'Asturies. El so accesu al escañu producióse depués de que la expresidenta de Foru, Cristina Coto, arrenunciara a tolos sos cargos nel partíu.
García Villanueva llega al parllamentu autonómicu al arrenunciar el númberu cuatro de la llista electoral de Foru Asturies a ocupar l'escañu de Coto, Ignacio Onís.
La exportavoz de Foru presentó la so dimisión el 22 de xunu pasáu depués de tener dellos desencuentros colos sos compañeros de bancada y col secretariu xeneral del partíu, Francisco Álvarez Cascos. Tamién arrenunció a la presidencia del partíu, que dende entós ocupa'l diputáu Pedro Leal.
El debate y el puntu de resquiebra nel senu del partíu surdió depués de que Coto decidiera camudar el contratu d'una trabayadora del grupu pa paga-y a xornada completa. La decisión de l'hasta agora portavoz causó una contestación nel partíu y nuna xunta de la Comisión Directiva de Foru, na que participó Cascos, decidió comunicase al grupu vía burofax qu'anulara tal decisión.
