UVIÉU, 30 d'Avientu (EUROPA PRESS)
Los futbolistes Santi Cazorla (Villarreal), Pablo Álvarez (Rácing), Juan Mata (Valencia), César Martín (Hércules), Esteban (Almería y ex porteru del Real Uviéu) y Adrián López (Málaga), los ciclistes Samuel Sánchez, Carlos Barredo, Benjamín Noval y Santi Pérez, los pilotos Javi Villa y Alberto Hevia, los piragüistes Carlos Pérez y Javier Hernanz, el tenista Galo Blanco, y l'árbitru Mejuto González yá tán retrataos na web de la campaña 'Doi la cara pola oficialidá'.
Toos ellos aceptaron facese la semeya col cartel de la reivindicación llingüística'l pasáu vienres, enantes d'entamar la gala de la solidaridá del deporte asturianu, a la que taben convidaos.
Con ellos, la campaña suma yá más de 8.500 semeyes de persones qu'a títulu individual dan el so preste a la demanda d'oficialidá de la llingua asturiana.