XIXÓN, 2 Ago. (EUROPA PRESS) -
El secretariu xeneral de Podemos Xixón, Mario Suárez, fixo un llamamientu públicu pa poner tolos medios que llogren evitar, d'una vez por toes, les agresiones fascistes.
Asina lo indicó, al traviés d'una nota de prensa, depués de que per segunda vez en 15 díes la sede de Podemos Xixón sufriera una agresión fascista, a l'amanecida empapelada de pasquinos fascistes nos que s'acusa al presidente Pedro Sánchez de "profanador de tumbes".
Enantes, el 18 de xunetu pasáu, la sede de la formación morada, amás de la del PSOE, apaeció tamién empapelada nes sos cristaleres con cartelos alusivos al Valle de los Caidos y emponderando al dictador Francisco Franco y José Antonio Primo de Rivera.
"Como yá diximos hai quince díes, esta situación nun pue volver repitise", señaló. "La llei tien qu'aplicase, tien qu'identificase a les persones responsables y estes persones han d'asumir les consecuencies d'unos fechos que nun son de recibu nuna Democracia", reclamó Del Fueyo.
"Ye inauditu dafechu qu'en plenu añu 2018 inda existan persones d'esta calaña que nun respeten la Democracia nin la convivencia", dixo. "Estos fascistes nun entren na nuestra Democracia, polo que nun aselaremos y vamos denunciar toles sos acciones, yá sía nel terrén políticu, nel deportivu o nel de la convivencia", aseguró.
Amás, Del Fueyo quixo mostrar la so solidaridá col PSOE local, que tamién foi víctima d'estos ataques, de la que llamó a xuntar fuercies pa que sía una realidá'l testu de la declaración institucional aprobada nel Plenu de xunetu.
