MADRID, 29 de Xunu (EUROPA PRESS)
La Unidá de Delincuencia Económica y Fiscal (UDEF) sospecha que'l presidente d'Ausbanc, Luis Pineda, quedó con un remanente 917.000 euros que-y pagó Liberbank y destinóse a dellos afectaos por cláusules suelo nes hipoteques que teníen soscrites na entidá.
Asina se señala nun informe apurríu'l pasáu 13 de xunu al xuez de l'Audiencia Nacional Santiago Pedraz qu'investiga a Luis Pineda, al secretariu xeneral de Manos Limpias, Miguel Bernad, y a otres persones, por supuestos delitos d'estorsión a entidaes financieres y empreses. L'informe obra nuna nueva parte del sumariu al que tuvo accesu Europa Press.
Tres la declaración de dellos testigos na causa, la Policía considera que Liberbank pagó directamente a Ausbanc un importe total de 1.145.000 euros procedentes del acuerdu que dambos algamaren no que cinca a 191 demandes presentaes por clientes.
Parte d'esti dineru tresfirióse en pequeñes cantidaes a 164 persones, posiblemente clientes de Liberbank asociaos d'Ausbanc, según la Policía, qu'añade que la entidá que presidía Pineda beneifióse del "remanente" de 917.000 euros, tresferíos a cuentes d'Ausbanc.
Por ello la Policía considera que Liberbank paga directamente a Ausbanc pa que seya ésta quien s'encargue de distribuyir esti dineru ente los sos asociaos lo mesmo que de convencelos pa que roblen la renovación de les condiciones de les sos hipoteques cola mesma entidá, "nun comprobando Liberbank si les cantidaes abonaes se distrubyen nes cuentes acordaes o si Ausbanc quedó col remanente".
