UVIÉU, 28 de Xunetu (EUROPA PRESS)
La diputada del PP na Xunta Xeneral, Enma Ramos, mostró la so preocupación por que la empresa Telecable "siga alloñándose d'Asturies", en referencia a la compra de la entidá per parte de la empresa británica Zegona.
En declaraciones a los medios, Ramos recordó que va cuatro años yá l'alquirió nun 85% de les sos acciones un grupu de capital riesgu americanu, Carlyle. "Agora sigue alloñándose d'Asturies". Según Ramos, Telecable tenía'l so propiu proyectu de desarrollu, con sede y personal n'Asturies, con 180 trabayadores y otros 700 puestos de trabayu xeneraos, amás de 40 tiendes na comunidá.
Criticó l'ausencia d'información del Gobiernu asturianu, que, según recordó, tien "representación en Liberbank", accionista de la compañía.
Asina, esixó al Executivu autonómicu qu'esclare "cuáles van ser les condiciones, cómo va quedar el so personal y si va vese afectáu". "Esperamos que'l gobiernu socialista s'implique y caltenga informaos a los asturianos, y que se posiciones a favor del caltenimientu de la empresa n'Asturies", acabó la parlamentaria del PP.
