LOS ÁNXELES, 26 de Payares (Reuters/EP)
El primer documental realizáu cola cooperación de la familia de Kurt Cobain, el fináu líder de la banda de grunge Nirvana, va emitise nel 2015, dixo la cadena de cable estaounidense HBO.
'Kurt Cobain: Montage of Heck' va tener na dirección a Brett Morgen, el cineasta nomáu al Oscar pol documental sobre boxéu 'On the Ropes' (1999), y va centrase na vida del roqueru al traviés de películes caseres, diarios y música inédita.
El documental va producilu tamién Universal Pictures International Entertainment Content Group. La fía del cantante, Frances Bean Cobain, va ser una de les productores executives.
Cobain suicidóse a los 27 años en 1994. El so estilu de rock que se refería a temes como l'aislamientu social tornó nun iconu de la Xeneración X de la década de 1990 y unu de los mayores esponentes del grunge-rock. Nirvana entró nel Salón de la Fama del Rock esti añu.