A CORUÑA, 20 de Payares (EUROPA PRESS)
El presidente del Gobiernu, Mariano Rajoy, señaló esti xueves, ante'l debate soberanista de Cataluña, que'l "camín" tien que ser "la busca del entendimientu y el pactu social". Añadió que "ye la vía constructiva y razonable". Rajoy cree que'l debate "tien qu'acabar nel estrictu terrenu de la realidá, sin engaños nin mitificaciones".
Rajoy reivindicó la concepción d'España como "nación" nun proyectu que "de neguna manera" consideró "agotáu", mientres la so intervención na entrega del premiu Fernández-Latorre al catedráticu de Ciencies Polítiques de la Universidá de Santiago de Compostela (USC), Xosé Luís Barreiro, actu al qu'asistió'l presidente de la Xunta, Alberto Núñez Feijóo.
Nel so discursu, fizo tamién alusión a la situación de la economía española. Al respecto, dixo que'l país "empieza a recoyer los frutos d'una collecha bien fecha", sentenció frente al "pesimismu"; "l'enfadu permanente" o'l "fatalismo infundáu".
Antes, Rajoy apeló al conceptu d'España como "una nación plural y forxada n'éxitos y fracasos". Tamién reivindicó la historia como "el vehículu" pa favorecer "la concordia y non l'enfrentamientu", dixo.
"Somos herederos de cinco siglos de vida en común y d'un proyectu de nenguna manera acabáu", dixo tamién el presidente del Gobiernu. Na mesma llinia, reivindicó la Carta Magna de 1978, "la Constitución qu'entregó les mayores cuotes de bienestar que nunca pudimos imaxinar los españoles", remarcó.
