MADRID, 30 de Xunetu (EUROPA PRESS)
El presidente del Gobiernu, Mariano Rajoy, repitió esti miércoles al presidente de la Generalitat de Cataluña, Artur Mas, mientres la reunión que dambos caltuvieron nel Palaciu de la Moncloa que la consulta soberanista prevista pal próximu 9 de payares ye "illegal" y que, poro, "nin pue celebrase, nin va celebrase".
Según esplica Moncloa nun comunicáu tres l'alcuentru ente los dos dirixentes, Rajoy insistió ante Mas na postura que vien calteniendo dende que s'anunció'l día de la consulta y que va "na llinia de lo qu'espresaron sobre esti asuntu tanto'l Congresu de los Diputaos como'l Tribunal Constitucional".
"El presidente Rajoy afirmó que la consulta ye illegal y que, poro, nin pu celebrase, nin va celebrase", asegura'l comunicáu, fechu públicu más d'una hora dempués de que la xunta, que duró aproximao dos hores y vente minutos, acabara.
PRIORIDÁ: LA RECUPERACIÓN ECONÓMICA
El xefe del Executivu plantegó a Mas la conveniencia de collaborar de la manera más intensa no que ye la principal prioridá de los ciudadanos de Cataluña y del restu d'España, que ye consolidar y acelerar la recuperación económica que "permita una creación intensa de puestos de trabayu".
Nesi puntu, Rajoy aprovechó pa facer un repasu ante Mas de les últimes cifres de la evolución de la economía española, como los datos de crecimientu de PIB, conocíos güei mesmu, la rebaxa de la prima de riesgu y de los intereses de la deuda española, la meyora de los índices de confianza y, sobromanera, los datos de creación d'empléu qu'ofreció la última Encuesta de Población Activa (EPA).
Amás, recordó les midíes que'l Gobiernu facilitó pa garantizar la financiación de comunidaes autónomes y conceyos, y el pagu a los sos proveedores, ente otros, por valor de más de 105.000 millones d'euros nos años 2012 y 2013, de los que, según sorrayó, casi un terciu -30.000 millones-- correspondieron a Cataluña.
MAS CALTIÉN LA SO INTENCIÓN
El presidente de la Generalitat de Cataluña mostró pela so parte la so determinación de convocar la consulta soberanista pal próximu 9 de payares y señaló que, si la declara illegal el Tribunal Constitucional, el procesu va entrar nuna nueva fase, "igual la última".
Mas insistió en que la so voluntá ye celebrar una consulta llegal y acordalo col Está, magar la negativa del xefe del Executivu a esta posibilidá.
Asina, aseguró que va convocar esa cita a les urnes tanto si hai acuerdu col Estáu como si nun lu hai y reconoció que, nesti últimu casu, el Gobiernu recurriá ante'l Tribunal Constitucional. "Si mos torguen el 9 de payares dende'l puntu de vista llegal vamos entrar n'otra fase, pero agora nun la voi comentar", señaló.
Pela so parte, el presidente del Gobiernu repitió al presidente de la Generalitat que la consulta soberanista ye "illegal" y que, poro, "nin pue celebrase, nin va celebrase".
