UVIÉU, 27 de Payares (EUROPA PRESS)
El director xeneral de Planificación Llingüística y Normalización, Fernando Padilla, caltuvo esti vienres un alcuentru con representantes del Conceyu d'Uviéu coles mires de buscar llinies de collaboración en materia de normalización llingüístico.
Ente otros aspectos, destacóse la tramitación per parte de la Xunta Asesora de Toponimia del espediente de oficialización de los topónimos del conceyu, que s'estima podría rematar nel primer trimestre del 2016.
Per otra parte, estudióse la posibilidá de crear un serviciu de normalización llingüística municipal y esploráronse víes de cooperación pa desarrollar campañes y actividaes de promoción del asturianu. A la xunta asistieron el conceyal de Cultura del Conceyu d'Uviéu, Roberto Sánchez Ramos, y los miembros de la corporación Diego Valiño y Fernando Villacampa.
