UVIÉU, 2 d'Avientu (EUROPA PRESS)
El conceyal d'Economía y Empléu del Conceyu d'Uviéu, Rubén Rosón (Somos), repitió que la Recaudación municipal "nun cuerre nengún riesgu" a pesar del argumentu falsu" manexáu dende la oposición (PP y Ciudadanos).
Na presentación nel Conceyu de la próxima Feria del Regalu, el conceyal esplicó a los medios que los técnicos municipales alcuéntrense axustando "los últimos datos" pa que l'acuerdu col Ente Tributariu del Principáu tea firmáu antes del 31 d'avientu, asina que de megar el día 1 la empresa axudicataria Auxiliar de Recaudación va dexar de xestionar los tributos de la capital asturiana.
El conceyal detalló que nun existe "nengún problema" no relativo a la compatibilidá de "los datos y sistemes informáticos" del Conceyu y l'ente autonómicu y señaló que se ta definiendo'l "nivel de collaboración" que dende'l Conceyu podrá ofrecese al Ente pa qu'esti puea calcular cuánto "va deber, o non, sobredimensionar" los sos servicios y plantiya p'asumir la recaudacióin vía executiva d'Uviéu.
Nes sos crítiques a la oposición afirmó que "les mentires" na política municipal "tienen les pates bien cortes" y que "por supuesto ta aseguráu'l serviciu de Recaldación municipal". Amás, volvió insistir en que si los dos grupos de la oposición pretenden que se siga "permitiendo un contratu declaráu illegal y nulu pola Sindicatura de Cuentes". "Nesti Conceyu en veinticuatro años cometiéronse munches illegalidaes y hai condenaos por ello", afirmó y añadió que nun van facer casu "a la oposición" cuando-yos pide que "cometan una irregularidá prorrogando'l contratu" cola Auxiliar de Recaudación.
