MOSCÚ, 9 de Febreru (Reuters/EP)
El Kremlin negó les acusaciones que responsabilicen a les fuerces ruses de la muerte de civiles en Siria y alegó que nun existe nenguna "prueba creíble" qu'avale les dudes espresaes, ente otros dirixentes, pola canciller d'Alemaña, Angela Merkel.
"Magar el gran númberu de declaraciones, hasta agora naide presentó una sola prueba creíble que faiga fiable la información", sorrayó'l voceru de la Presidencia rusa, Dimitri Peskov, en declaraciones a los periodistes recoyíes poles axencies oficiales.
Peskov súmase asina a la tesis manexada en repitíes ocasiones pol Ministeriu de Defensa, que negó la muerte de civiles de resultes de los ataques aéreos entamaos a últimos de setiembre del 2015. Rusia collabora nesta ofensiva coles fuerces del réxime de Bashar al Assad.
Amás, el voceru del Kremlin tamién tachó de "absurdes" les acusaciones del presidente de Turquía, Recep Tayyip Erdogan, sobre la supuesta "invasión" que prepararía Rusia. Peskov recordó que'l so país actúa por pidimientu del "réxime lexítimu" de Siria, en contraste cola ofensiva que lidera Estaos Uníos.
