MADRID, 29 de Xunetu (EUROPA PRESS)
El xuez de l'Audiencia Nacional Pablo Ruz citó a declarar como imputaos pal próximu 15 de setiembre a Jordi Pujol Ferrusola, fíu del expresidente de la Generalitat de Cataluña, y la so muyer, Mercedes Gironés, y cursó una comisión rogatoria a Andorra na que pide información sobre les sos cuentes bancaries.
El maxistráu, qu'atribúi en calidá de nicios al matrimoniu un delitu de blanquéu de capitales y otru contra la Facienda Pública, realizó esta citación nel marcu de la causa na qu'investiga los pagos superiores a 200.000 euros que les sos empreses recibiríen de sociedaes que axudicataries de contratos públicos en Cataluña.
El xuez cursa una comisión rogatoria a Andorra p'atropar "tola documentación o información que tuviera a disposición de la Banca Privada d'Andorra de productos bancarios y/o fondos de los que se fueren beneficiarios" los dos imputaos y les cinco mercantiles de les que son propietarios (Iniciatives, Marketing i Inversions, Project Marketing Cat, Inter Rosario Port Services, Ative Translation ya Iberoamericana de Business and Marketing).
Ruz, que tamién cita a una testigu'l 16 de setiembre, abrió esti procedimientu a últimos del 2013, en recibiendo una denuncia de la exmoza de Pujol Ferrusola, María Victoria Álvarez. Ésta aseguró'l pasáu 17 de xineru ante'l xuez qu'acompañó al fíu mayor del exmandatariu catalán a Andorra pa treslladar una mochila llena de billetes de 500 euros.
