MADRID, 18 Sep. (EUROPA PRESS) -
El secretariu xeneral del PSOE, Pedro Sánchez, defendió esti xueves la so intervención nel programa 'Sálvame' y apuntó que si ye noticia demuestra que la política "fíxose mal" porque "hai que tar onde tán los ciudadanos".
"¿Y por qué nun voi poder entrar?", respondió cuando-y preguntaron nos pasiellos del Congresu poles crítiques que recibió por llamar en directu al programa que presenta Jorge Javier Vázquez, cuando falaben del Toru de la Vega y de l'actitú del PSOE ante esti festexu.
El líder de los socialistes sorrayó que llamó pa dar la so "opinión sobre una tema que tresciende y afecta a bien de ciudadanos que tán comprometíos contra'l maltratu d'animales".
"El qu'esto seya una noticia yo creo que lo que demuestra ye que la política nestos años fíxose mal, porque hai que tar onde tán los ciudadanos", defendió.
