MADRID, 30 de Xineru (EUROPA PRESS)
Polo menos seis inmigrantes morrieron esti vienres pol naufraxu de la patera na que viaxaben a primer hora d'esta mañana frente a les mariñes de la ciudá marroquina de Nador, según informa l'axencia oficial MAP, que cita a les autoridaes provinciales.
A bordu de la embarcación viaxaben 20 persones, incluyíos dos traficantes, y el naufraxu prodúxose a unos 6 kilómetros del puertu de Nador, nel norte del país.
"La mar espulsó a seis cadabres, que tovía nun identificaron, y rescatóse a diez persones", indicó la fonte consultada. Nes operaciones de rescate participaron efectivos de la Xendarmería Real, la Policía y de Protección Civil.
