MADRID, 24 d'Abril (EUROPA PRESS)
Siemens y Thales España axudicáronse en consorciu'l contratu d'instalación de los sistemes de señalización, control de tráficu y videovixilancia de la Variante de Payares, la conexón por Alta Velocidá ente Llión y Asturies, por un importe de 54 millones d'euros, según informaron les empreses.
La variante inclúi'l tramu ente La Robla y La Pola L.lena, de 50 kilómetros de llargor, al que va dotase dotar de los sistemes de señalización y control de tráficu ferroviariu de Siemens Rail Automation y Thales.
El contratu inclúi tamién el desarrollu ya instalación de los sistemes de protección del tren, telecomunicaciones fixes, control de tráficu centralizáu (CTC), sistemes auxiliares, y de control d'accesos y videovixilancia, asina como les conexones col tramu Santibáñez-La Robla y cola estación de La Pola L.lena, pertenecientes a la llinia férrea d'anchor convencional Venta de Baño-Xixón Cercaníes.
Los trabayos van realizase en dos fases: la primera va permitir la puesta en serviciu comercial baxo la protección del sistema ASFA suministráu por Siemens Rail Automation. Na segunda, va instalase'l sistema ERTMS de nivel 2, suministráu por Thales, y col que podrán algamase velocidaes d'hasta 350 kilómetru por hora.
