UVIÉU/XIXÓN, 18 Jul. (EUROPA PRESS) -
Siete persones foron identificaes pola Policía depués d'empapelar les sedes locales de Podemos y del PSOE en Xixón con imaxes franquistes.
Según informen dende Podemos en nota de prensa, esta madrugada aparecieron los locales de dambos partíos con pegadielles y cartelos cola semeya de Franco, José Antonio, y el Valle de los Caídos.
"Un día depués de la escenificación de la repulsa contra la violencia y les amenaces a IX y l'apoyu unánime de tolos grupos municipales, de la federación de peñes Sportinguistes y del Observatoriu contra la violencia, parez qu'hailos que traten de desestabilizar el respetu, la diversidá y el calter integrador de la nuestra ciudá. Ciudá plural y afayadiza que nun va vencer énte intimaciones nin amenaces. Énte actitúes y comportamientos de tal caláu namás queda caltenenos uníes y firmes na repulsa a esti tipu de sucesos", dicen dende Podemos nel escritu.
