UVIÉU, 15 de Febreru (EUROPA PRESS)
El Diputáu socialista asturianu nel Parlamentu Européu, Jonás Fernández, provocó'l discutiniu na rede social al publicar un tuit nel comparaba a Le Pen con Uníos Podemos a cuenta de la votación del tratáu de llibre comerciu con Canadá (CETA) nel Parlamentu Européu.
"Como siempre... -Le Pen y los sos amigos votando lo mesmo qu'Uníos Podemos. Un bon argumentu pa votar el ceta", publicaba'l socialista asturianu, un tuit que rápidamente respondieron cientos d'usuarios nos que "llamentaben la comparanza" y reprochaben a Fernández el so "probe argumentu".
Ente les respuestes recibíes ta la de l'asturiana Tania González, vocera de Podemos nel Parlamentu Européu que tuitiaba "Brillosu argumentu de jonasfernandez pa vender la nuesa soberanía a los poderosos. Por cierto, con RT de gonzalezpons...La gran coalición".
La tamién eurodiputada Marina Albiol respondía al socialista al traviés de la rede. "El problema nun ye que yo vote como Le Pen por razones 100% opuestes jonasfernandez, sinón que tu votes como'l PP colos sos mesmos argumentos", díxo-y.
Fueron munchos los usuarios que tamién-y reprocharon qu'hasta l'eurodiputáu del PP, Esteban González Pons, retuitiáralu, faciendo mención a la "gran coalición".
