MADRID, 28 de Xunu (EUROPA PRESS)
El sueldu añal más avezáu rondó los 16.500 euros nel 2015, la mesma cifra qu'un añu antes, según la Encuesta Añal d'Estructural Salarial' del Institutu Nacional d'Estadística (INE), con datos correspondientes a esi añu.
Pela so parte, el salariu brutu mediu añal por trabayador subió un 1,1% nel 2015, hasta asitiase en 23.106,30 euros. Sicasí, l'INE precisa que'l salariu más frecuente foi de 16.500 euros añales, con una diferencia ente dambos de más de 6.000 euros. Esta diferencia aumentó dalgo no que cinca al añu 2014, cuando'l salariu más frecuente rondaba los 16.490,49 euros.
L'organismu estadísticu esplica esta diferencia ente'l salariu mediu y el más avezáu en qu'hai pocos trabayadores con salarios bien altos, pero qu'inflúin enforma nel salariu mediu. L'INE fai, pue, una división ente los que tienen un salariu superior y los que tienen un salariu inferior pa llograr el salariu medianu, que nel 2015 quedó en 19.466,49 euros.
Los trabayadores con contratu determináu ganaron una media de 16.422,5 euros añales nel 2015, un 4,7% más que nel 2014, frente a los 24.561,81 euros de los contratos indefiníos (-0,7%). En comparanza colos datos del 2014, la fienda salarial ente temporales ya indefiníos queda nel 33,1%.
LES MUYERES COBREN UN 22,8% MENOS
Les diferencies salariales ente homes y muyeres aumentaron lixeramente al respective de l'anterior encuesta. Polo xeneral, la ganancia media añal de los homes foi de 25.992,76 euros al añu, ente que la de les muyeres supunxo'l 77,1% d'esta cuantía, con 20.051,58 euros, un 22,8% menos que la de los homes. Nel 2014, la fienda ente dambos sexos yera del 76%.
L'INE destacó qu'esta diferencia salarial matízase si considérense situaciones asemeyaes (tipu de contratu, xornada, ocupación). Tamién dexó claro que la desigualdá tamién queda patente si s'analiza la proporción de trabayadores con ganancia baxa (asalariaos que la so ganancia hora ta perbaxo de los dos tercios de la ganancia mediana), que foi del 16,7% nel 2015. Ente estos trabayadores, el 65,5% yeren muyeres.
Nel 2015 el númberu de muyeres que tuvo unos ingresos salariales menores o iguales al Salariu Mínimu Interprofesional (SMI) foi del 18,2%, frente al 7,4% de los homes. Nos salarios más altos, el 9,8% de los homes presentó unos salarios cinco veces superiores al SMI, frente al 5% de les muyeres.
Amás, la ganancia por hora a tiempu completu aumentó un 1,1% pa homes y un 1,8% pa muyeres. A tiempu parcial, l'aumentu foi del 4,3% nel casu de los homes y del 0,2% nel casu de les muyeres.
SUBE'L SALARIU EN TIEMPU PARCIAL Y COMPLETU
Tamién ye destacable la diferencia ente la ganancia media añal de los trabayadores a tiempu completu (27.039,01 euros) cola de los contrataos a tiempu parcial (10.065,18 euros), anque esta fienda esplícase pola diferencia d'hores trabayaes. El salariu mediu de los contrataos a tiempu completu ascendió un 0,3% al respective del 2014 y el de los contrataos a tiempu parcial aumentó un 2,8%.
Les muyeres que trabayen a tiempu completu ganen una media de 25.045,91 euros al añu, mientres que los homes llogren unes ganancies de 28.509,14 euros. Nel casu del tiempu parcial, les muyeres ganen 9.851,@64 euros, mientres que la ganancia de los homes ye de 10.538,84 euros.
L'actividaes económiques con mayor remuneración añal nel 2015 fueron el suministru d'enerxía eléctrica, gas, vapor y aire acondicionao (51.919,@72 euros), actividaes financieres y de seguros (41.547,07 euros), información y comunicaciones (33.046,23) ya industries extractivas (32.494,07 euros).
Sicasí, los asalariaos d'hostelería (13.977,06 euros), actividaes alministratives y servicios auxiliares (15.948,63 euros) y otros servicios (16.003,97 euros) llograron la remuneración más baxa.
EL SUELDU DE LOS MOZOS NUN LLEGA A 10.000 EUROS AL AÑU.
Los directores y xerentes presentaron nel 2015 un salariu añal (51.645,@86 euros), ente que los trabayadores sin cualificar en servicios (sacante tresporte) tuvieron un sueldu añal del 12.700 euros.
Por edaes, el sueldu mediu añal nel 2015 pa los trabayadores de 20 a 24 años algamó los 7.526,91 euros, frente a los 27.457,14 euros de los trabayadores d'ente 55 y 59 años.
Por comunidaes autónomes, País Vascu (25.571,13 euros añales por trabayador), Madrid (26.448,04 euros) y Navarra (24.863.98 euros) rexistraron los salarios más elevaos nel 2015, mientres qu'Estremadura (19.564,49 euros), Canaries (19.856,61 euros) y Galicia (20.624,55 euros) rexistraron los salarios inferiores a la media.
