UVIÉU, 1 Sep. (EUROPA PRESS) -
El conseyeru d'Economía y Empléu, el socialista Graciano Torre, afirmó esti llunes que namái queden "unos flecos" por zarrar pa entamar los alderiques con empresarios y p'afitar la Formación Profesional Dual nel Principáu.
Esta FP contempla planes d'estudios que combinen práctiques n'empresa con formación académica. La previsión, adelantó a los medios el conseyeru, ye qu'esta selmana haya una xunta cola Federación Asturiana d'Empresarios (FADE), sindicatos y la Conseyería d'Educación. Dempués d'esta xunta, dende Empléu van entamar el trabayu "más prosaicu" pa consiguir empreses.
La FP Dual que se va afitar prevé que'l Principáu subvencione'l 50 por cientu del salariu de los alumnos que roblen contratos. Esti sueldu va adautase a los convenios que tenga cada empresa pa los contratos en práutiques.
