RIAD, 23 de Xineru (Reuters/EP)
Al rei Abdalá d'Arabia Saudina, unu de los homes más ricos de la historia, enterráronlu esti vienres envueltu nun cenciellu sudariu nuna tumba sin nome esti vienres nun campusantu de Riad, onde tamién tán munchos de los sos súbditos, calteniendo asina les tradiciones ascetes.
La escuela saudina del wahabismu, una corriente dientro del sunismu, considera les muestres fachendoses de pesar o lutu como pecáu, equiparables a la idolatría. D'ehí'l que nun se declaró periodu de lutu nel país y que les banderes siguieren a plenu estil.
Magar la so aparente popularidá ente los sos súbditos, nun hubo concentraciones espontánees nes cais de la ciudá pa marcar la so muerte. Les oficines gubernamentales, zarraes como ye vezu los vienres y los sábados, van reabrir esti domingu de forma normal.
Mientres que la oración de la tarde que precedió al entierru d'Abdulá celebróse cola presencia de líderes musulmanes, príncipes saudinos, poderosos clérigos y multimillonarios árabes, el so cuerpu treslladóse a la mezquita nuna ambulancia de la ciudá.
Tresportáronlu nuna simple camiya, depositáronlu delantre de los fieles mientres la oración y depués tresportáronlu los pariente varones d'Abdulá hasta la tumba, onde lu enterraron sin nenguna ceremonia.
Ésti foi un cambiu pa un monarca que mientres la so vida viaxó arrodiáu de los lluxos que cabe esperar del monarca absolutu del principal país esportador de petróleu. Un cable diplomáticu estaounidense del 2006 destacaba que personalmente pidiera a un emisariu estadounidense que'l so Boeing 747 tuviera dotáu colos mesmos sistemes de seguridá que l'Air Force One del so amigu, l'entós presidente estaounidense George W. Bush.
