KIEV, 29 de Xunetu (Reuters/EP)
El Gobiernu d'Ucrania prohibió esti miércoles la entrada nel país al actor francés Gerard Depardieu per los próximos cinco años, según informó'l serviciu de seguridá del estáu. La decisión vieno motivada pol apoyu del actor a l'anexón rusa de la península de Crimea y por comentarios favorables a Moscú.
La vocera gubernamental Olena Hitlianska confirmó la prohibición y aseguró que Depardieu alcuéntrase nuna llista negra de personalidaes que son indiferentes cola postura d'Ucrania nel so conflictu con Rusia, anque nun especificó nengún de los comentarios del actor galu.
A primeros de mes de xunetu, el ministru de Cultura, Ivan Kirilenko, señaló que Depardieu taba na llista de 117 personaxes famosos del mundu de les artes que se mostraren a favor de la violación "contra la integridá territorial y la soberanía d'Ucrania".
Pela so parte, l'actor galu protagonizó dellos discutinios nos últimos años y son conocíes les sos crítiques a los altos impuestos que se paguen en Francia. Nel 2013, consiguió la ciudadanía rusa que-y otorgó'l presidente, Vladimir Putin. Dende aquella, foi un importante defensor de la política esterior del Kremlin.
L'anexón rusa de Crimea produzse en marzu del 2014, un movimientu del Kremlin tres les protestes proeuropeas en Kiev qu'entainaron la marcha del daquella presidente ucranianu, Viktor Yanukovich, y refugó la comunidá internacional.
