UVIÉU, 15 Dic. (EUROPA PRESS) -
La Sociedá Cultural Xixonesa entrega güei vienres el premiu 'Juan Ángel Rubio Ballesteros 2017' a l'asociación cívica Xunta pola Defensa de la Llingua Asturiana en reconocimientu a la llabor "de defensa y dignificación del asturianu".
L'actu va celebrase na sede de la entidá -Cai Belmonte de Miranda, 4, en Xixón- esti vienres 15 d'avientu a les 19.30 hora y el premiu ye obra del artista xixonés Jesús Castañón. Nel acta del xurdáu, reconozse'l trabayu de la Xunta pola Defensa de la Llingua Asturiana na llabor de defensa y dignificación del asturianu.
La Xunta Pola Defensa de la Llingua Asturiana ye una organización asturiana que dende 1984 vien trabayando na defensa del asturianu.
Ente les sos iniciatives rescamplen la edición de panfletos y llibros, campañes revindicatives y la organización tolos años del Conciertu pola Oficialidá.
