UVIÉU, 12 de Setiembre (EUROPA PRESS)
L'Escritor Xicu Monteserín, autores de les obres más pioneres de la lliteratura infantil n'asturianu, ye'l protagonista de la presentación 'De cuentos, xuegos y cosadielles, un repasu a les obres pa neños', que tien llugar esti llunes nel patiu del Antiguu Institutu, nel marcu de les xornaes Vagamar 2011, organizaes por L'Arribada.
Xicu Monteserín ye autor de 'Un ermitañu de nome Merlín' (1984) y '¿Xugamos a les cosadielles?' (1986), premiaos nel Concursu de Llectures pa rapazos de l'Academia la Llingua; tamién del relatu Florín, el pescador de ballenes (1993). Nel añu 1994 publicó'l volume de poemes 'Nuna caxa d'ágates'.
Vinculóse dende mui pronto al movimientu asturianista, militando en diversos colectivos nacionalistes y siendo ún de los miembros fundadores de la Lliga Celta d'Asturies. Los sos primeros escritos apaecen nel boletín d'esta asociación celtista, Astor, nel de l'Academia de la Llingua, Lletres asturianes, y na revista Orbayando, qu'elli mesmu codirixó. Foi tesoreru de l'asociación Escritores y Traductores en Llingua Asturiana (Etlla).
