DONOSTIA, 3. (EUROPA PRESS)
Adineko bi lagunen gorpuak aurkitu dituzte astelehen honetan Zumaiako etxebizitza batean (Gipuzkoa). Dirudienez, 76 eta 85 urteko bi pertsonak egunak zeramatzatzen hilda, eta kiratsaren ondorioz aurkitu dituzte. Printzipioz ez dago kriminalitate zantzurik.
Eusko Jaurlaritzako Segurtasun Saileko iturriek Europa Press berri agentziari jakinarazi diotenez, eguerdiko 12:15 aldera aurkitu dituzte bi adinekoen gorpuak, Zumaiako Itzurun kaleko etxebizitza batean. Hildakoak 76 urteko gizon bat eta 85 urteko emakume bat dira, anai-arrebak. Gorpuak pisuaren barruan aurkitu dituzte eta, kiratsaren arabera, egunak zeramatzatzen hilda. Oraingoz Ertzaintzak ez du kriminalitate aztarnarik aurkitu.
Medikuek bi pertsonen heriotza baieztatu dute, baina ez haren zergatia. Horrela, autopsiak zehaztuko du gertaera heriotza natural bezala ixten den edo Ertzaintzak ikerketa hasi behar duen.
